Një shqiptar është ekzekutuar me armë zjarri dy ditë më parë në Spanjë. Ai u qëllua me 5 plumba, ndërsa ndodhej në një restorant.
Raportohet se viktima është identifikuar si Brandon Bregu, 42 vjeç.
Sipas mediave spanjolle, ngjarja ka ndodhur mbrëmjen e së premtes në tarracën e një restoranti në qytetin turistik Alfaz del Pi (Alicante) të Spanjës.
Ndër të tjera bëhet me dije se një person i maskuar është ofruar pranë 42 vjeçarit me origjinë shqiptare i cili po darkonte me partneren dhe e ka qëlluar me 5 plumba.
Ndërkohë dëshmitarët në vendin e ngjarjes i kanë thënë policisë se një person me kapuç në kokë ishte afruar në tarracën e lokalit ku viktima ishte ulur me një çift dhe kishte qëlluar pesë të shtëna me pistoletë.
Ndërkaq policia po punon për zbardhjen e plotë të kësaj ngjarje.
U ekzekutua me 5 plumba kur po hante darkë/ Zbulohen pistat e hetimit për vrasjen e shqiptarit
