Policia e Dibrës mohon që efektivët e këtij komisariati të keni ushtruar dhunë ndaj disa të rinjve të shoqëruar një ditë më parë.
Reagimi erdhi pas një denoncimi me video të publikuar nga PD, ku duket një i ri i gjakosur brenda komisariatit të Bulqizës, i cili shprehet se u godit nga policia.
Një ditë pas publikimit të pamjeve, Policia e Dibrës deklaron se “në asnjë moment nuk është ushtruar dhunë nga punonjësit e policisë ndaj personit të arrestuar”.
Në njoftimin zyrtar, policia bën me dije se tre të rinj u ndaluan teksa lëviznin me një automjet dhe u shoqëruan në komisariat pasi nuk kishin dokument identiteti me vete. Më tij, sqarohet se një prej të rinjve, një 29-vjeçar, ka kundërshtuar, kanosur e dhunuar një efektiv policie gjatë shoqërimit dhe për këtë është arrestuar për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Kanosje për shkak të detyrës”.
Ndërkohë, nga policia mohohet kategorikisht që efektivët të keni ushtruar dhunë, megjithatë pamjet e të riut të gjakosur dhe dëshmitë e të ndaluarve, dëshmojnë të kundërtën.
