Sot luhen takimet e vlefshme për Kategorinë e Parë në kampionatin shqiptar të futbollit. Grupi A është mjaft interesant dhe Korabi do tentojë të vendosë në presion dy vendet e para, Dinamon dhe Burrelin, që përballen nesër mes tyre. Dibranët e kanë detyrim fitoren në shtëpi me Erzenin.
Ndërkohë Besëlidhje pret Orikun dhe lezhjanët duan të qëndrojnë në hapin e skuadrave të para në renditje.
Në grupin llogaritë mbyllen sot dhe spikat Tomori-Besa nga tre duelet që do të luhen. Kavajasit me një fitore mund të parakalojnë Egnatian kryesuese, që është pushim.
Sot nuk luan as Elbasani i vendit të fundit, pasi në program kanë sfidën me Luftëtarin e përjashtuar nga kampionati. Lushnja e ka detyrim triumfin në shtëpi me Turbinën dhe tre pikët do i jepnin kreun për momentin. Interesante është edhe sfida Pogradeci-Flamurtari.
