Partizani do të luajë nesër kundër Bylisit, ndeshje e vlefshme për javën e 9-të të Superiores. Pritet me interes se si do të rreshtojë trajneri Ilir Daja skuadrën e tij që vjen pas një humbje minimale në transfertën e vështirë të Shkodrës.
Ëilliam Cordiero Melo dhe Jasir Asani janë dy futbollistë të cilët e kanë nisur nga stoli thuajse çdo sfidë të këtij sezoni.
Trajneri kryeqytetas është justifikuar me faktin se të dy nuk kanë pasur kondicionin e duhur fizik. Megjithatë këto ditë ka qarkulluar një foto në rrjetet sociale ku shihej Jasir Asani së bashku me babain dhe menaxherin e tij.
Nuk dihej arsyeja e kësaj vizite “blic” por herë pas here mëngjërashi theksonte përmes postimeve të ndryshme se ishte gati për të qenë titullar.
Trajneri Ilir Daja ka përgatitur formacionin që do të zbresë në fushë nesër ndaj Bylisit dhe me gjasë në 11-shen titullare është dhe Jasir Asani. Rikthimi në formën më të mirë, është ajo që duan të gjithë në stafin teknik pasi cilësitë e tij tashmë njihen.
Partizani-Bylis, luhet nesër në orën 16:45.
