Mbrëmjen e sotme, një grabitje e armatosur ka ndodhur në një nga filialet e “Western Unionit”.
Sipas informacioneve, filiali në rrugën “Eqrem Qabej” në Prishtinë është grabitur nga dy persona të armatosur.
Rasti është konfirmuar edhe nga policia e Kosovës, ku sipas tyre grabitësit, nën kërcënimin e armës kanë arritur të marrin nga arka vetëm monedha të imta.
Zëdhënësi i policisë, Daut Hoxha ka sqaruar se grabitësit kishin me vete armë të shkurtë dhe thikë.
“Rreth ores 18:35 është marr një informatë se në Rr. “Eqrem Qabej” në filialin e një institucioni mikrofinanciar ka ndodhur një grabitje, ku dyshohet se grabitësit nën kercenimin e armes kanë arritur të marrin nga arka monedha të imta. Sipas informatave, njeri nga të dyshuarit në dorë ka pasur një armë të shkurter dhe tjetri një thikë, kishin te veshura trenerka ngjyre të mbyllur dhe maska anti-covid dhe kanë ikur drejtim të Bregut Diellit. Fatmirësisht nuk raportohet për persona të lenduar. Në vend ngjarje kanë dal të gjitha njësit relevante dhe po merren me rastin.”, tha Hoxha.
