Në tregun e këmbimit valutor vendas, të enjten, leku forcoi pozitat për të katërtën ditë radhazi, ndaj euros dhe dollarit amerikan, ndërsa humbi terren ndaj paundit britanik.
Sipas kursit zyrtar të Bankës së Shqipërisë, monedha e gjelbër amerikane këmbehet me 101.03 lekë ose 0.33 lekë më pak se ditën e mërkurë.
Euroja humbi terren lehtë me 0.06 lekë duke u ankoruar në kuotën e 123.55 lekëve.
Ndërsa monedha britanike u ngjit në vlerën 137.23 lekë, 0.28 lekë më shumë se një ditë më parë. Ndërkohë, franga zvicerane që këmbehet me 114.39 lekë ose 0.40 lekë më pak se ditën e mërkurë.
