Jasir Asani është pjesë e Partizanit prej shtatorit të vitit 2017. Sulmuesi i djathtë u huazua tek AIK në Suedi fazën e dytë të sezonit të kaluar.
Sezonin e ri e ka nisur sërish me “Demat” dhe deri tani numëron 219 minuta aktivizim në Superiore (1 gol) dhe 68 minuta në Kupën e Shqipërisë (1 gol).
25-vjeçari i lindur në Shkup, ka postuar në rrjetet sociale dy foto. E para është gjatë një takimi me menaxherin e tij Aleksandar Jovkov. Ky i fundit ka zbarkuar në Tiranë dhe diçka po përgatit për të ardhmen Asanit.
Lojtari ofensiv ka bërë një tjetër postim që lidhet me Vardar. Asani shfaqet me fanellën kuqezi të ekipit nga Maqedonia e Veriut, me të cilët është aktivizuar më parë. Një rikthim te Vardari? Asani dha një sinjal, por duhet të pritet se çfarë do të ndodhë këto ditë.
