Një burrë në Wisconsin, SHBA, do të kalojë pjesën e mbetur të jetës në një spital psikik, pasi theri dy pjesëtarët e familjes së tij dhe i shkaktoi plagë të rënda dy të tjerëve, si pasojë e frikës së tij obsesive ndaj koronavirusit.
Adam Roth, 36-vjeç, ishte me bashkëshorten, Domenique në kuzhinë në shtëpinë e tyre, kur ai kapi thikën dhe e qëlloi atë për vdekje.
Kur e ëma e Domenique dhe dy vajzat e tjera të saj u përpoqën ta ndalonin, ai më pas iu sul edhe atyre me thikë në dorë.
Bashkëshortja e autorit dhe njëra prej motrave të saj humbën jetën, ndërsa e ëma dhe motra tjetër morën plagë të rënda.
Sipas tyre, Roth sillej në mënyrë obsesive prej javësh si pasojë e koronavirusit. Ndërkohë, në dëshminë tij në polici, ai tha: Koronavirusi po vinte dhe unë duhej t’i shpëtoja”.
Gjatë procesit gjyqësor ai nuk e ka thënë as edhe një fjalë, thjesht vështronte dhe vazhdimisht shikonte nga dritarja e sallës.
E pasi u dërgua në psikiatri, pas tetë ditëve është infektuar me COVID-19, ku qëndroi një muaj në oksigjeno-terapi.
