Një emigrant ilegal shqiptar, i cili ishte kthyer në një prej bosëve më të mëdhenj të drogës në Londër, pritet të dënohet me burg, raporton Daily Mail.
Gazeta shkruan se policia gjeti 1.1 milionë sterlina drogë në banesën e Muhamet Qosjes, 29-vjeçar.
Mësohet se ai kishte fshehur pesë kg kokainë, një armë dore dhe disa fishekë poshtë krevatit të bebes në shtëpinë e tij. Gjashtë kilogramë kokainë u gjetën në qeset e pastrimit kimik.
Qosja u mburr para oficerëve se kishte ardhur ilegalisht në Britani në vitin 2014 dhe se kishte nisur të trafikonte drogë pasi është ‘biznes i mirëpaguar’.
Agjentë të maskuar e ndoqën atë me makinë nëpër Londër dhe pasi i ndaluan, i gjetën 23 mijë sterlina cash.
Ai është shpallur fajtor për gjashtë akuza. Vendimi pritet të jepet në janar.
