Në kampionatin Anglez do të luhet super sfida e javës së 13 mes Liverpool dhe Tottenham që do jetë një betejë direkt për vendin e parë.
Dy skuadrat ndajnë kreun e renditjes me pikë të barabarta me nga 25 secila dhe deri tani kanë pasur një ecuri thuajse identike.
Kjo ndeshje pritet të vërtetojë se cila nga skuadrat do të shkëputet në krye.
Pavarësisht dëmtimeve të shumta, Liverpool kërkon suksesin përballë një rivali direkt por një gjë është e sigurt, londinezët nuk do shkojnë në Anfield Road për të dalë më duar bosh.
Ndërkohë që një përballje interesante do ketë edhe në Serinë A.
Interi i Antonio Contes do të presë Napolin e Gattusos në një ndeshje që pritet të dhurojë spektakël.
Trajneri i zikaltërve do të mbështetet te dyshja sulmuese Lukaku-Lautaro Martinez për të thyer rezistencën e mbrojtjes napolitane. Interi kërkon fitoren e radhës për të mos lëshuar më shumë terren në krye të renditjes.
Në 5 sfidat e fundit në San Siro për kampionat, Zikaltrit ka mundur të triumfojnë në tre raste dhe një gjë të tillë kërkon ta bëjnë edhe në mbrëmjen e sotme.
Në këtë sezon napolitanët kanë treguar se janë një kockë e fortë dhe pavarësisht se nuk kanë në dispozicion sulmuesin Osimeh futbollistët që do zbresin në fushë do japin maksimumin për të marrë tre pikët.
