Kryetari i PD, Lulzim Basha reagoi pas publikimit të raportit të Eurostat, që raportoi se PPB-ja për frymë e Shqipërisë në vitin 2019 ishte sa 31% e mesatares së BE-së, duke e renditur vendin tonë me potencialin ekonomik më të dobët në Europë.
Në një postim në FB, Basha shprehet se vitin e kaluar shqiptarët ishin më të varfrit në Europë, ndërsa shton se edhe gjatë pandemisë ata patën ndihmën më të ulët në rajon nga qeveria, çka ka çuar në rritje të varfërisë dhe pamundësisë për shumicën.
“Boll më! Është koha për ndryshim. Shqiptarët meritojnë një qeveri që punon për ta”, vijon kryedemokrati.
