Në luftën për trashëgiminë milionere të Diego Armando Maradonës shfaqet një vajzë tjetër, e supozuar e ish-kampionit argjentinas, i cili vdiq më 25 nëntor, në moshën 60 vjeç. Një vajzë 25-vjeçare, Magali Gil, e deklaroi këtë me një video në Instagram, pasi filloi në prill 2019 një proces ligjor për njohjen e atësisë.
“Unë dua t’i shkoj deri në fund këtij procesi për të përmbushur një të drejtë universale”, – thotë e reja, me origjinë italiane, e cila dëshiron të bëjë testin e ADN-së për të provuar se është vajza e kampionit të vdekur.
“Lufta ime ka vazhduar prej disa kohësh. Vendosa ta bëj këtë video për t’iu dhënë fund të gjitha spekulimeve mbi historinë. Së pari dua të sqaroj se qëllimi im ka qenë gjithmonë vetëm një: të zbuloj nëse Maradona është babai im. Kjo është e drejta ime e shenjtë. Së dyti, kauza që fillova disa kohë më parë nuk ka ndalur kurrë dhe nuk do të ndalet derisa të zbuloj të vërtetën”.
Vajza e re mësoi për Maradonën nga nëna e saj e lindjes, e cila së pari e la për birësim; më pas u takuan përsëri kur vajza mbushi 18 vjeç. Me atë rast, gruaja do t’i zbulonte Magali Gil se kush ishte babai i saj i famshëm.
