Java e pestë e spektaklit “Love Story” në TV Klan, solli emocione të shumta dhe surpriza, teksa tre konkurrente të reja u bënë pjesë e garës dhe tre të tjera u larguan. Dy të eliminuarat ishin Kejda dhe Drita, ndërkohë që Albana vendosi të largohej me dëshirë pasi pa afrimitet mes Saimirit dhe motrës së saj binjake, Silvanës.
Në një intervistë ekskluzive për programin “Daily Love Story”, me autore Ilda Lumanin, Enxhëll u ka uruar suksese Generdës, Valentinës dhe Redonës, teksa shprehet se duken vajza të sjellshme.
“U uroj shumë sukese dhe good luck. Nuk mund ta zgjedh një vajzë se nuk është se kemi komunikuar shumë me njëra-tjetrën për të kuptuar. Në pamje të parë duken shumë vajza të sjellshem, simpatike, të lezetshmë”, ka thënë Enxhëll.
Më tej ajo ka përmendur edhe debatin e javës së kaluar, për të cilin ishte qortuar edhe nga i ati.
“Babai më ka thënë diçka, që jeta duhet të të kishte mësuar që duke ulur të tjerët, apo duke të ulur të tjerët ty, nuk është se e ngre ti veten apo e ngrenë të tjerët veten. Dhe kishte shumë të drejtë. Kjo javë ka qenë vërtetë një mësim”, ka cituar Enxhëll.
Ndërkohë, bukuroshja nga Gjirokastra ka kërkuar ndjesë për zënkën e cila u gjykua në mënyrë negative edhe nga publiku.
“Publiku duhet të dijë diçka, po ashtu edhe vajzat. Ne thjesht ironizuam të gjitha fyerjet, paragjykimet që ato na kanë bërë. Unë kërkoj ndjesë nëse publiku e ka marrë si diçka negative, por nuk ka qenë aspak keqdashëse nga ana ime”, ka deklaruar Enxhël
