U deshën vetëm 11 muaj që Pfizer të krijojë një vaksinë kundër sëmundjes COVID-19 në bashkëpunim me BioNTech dhe të shpresojë për një fund të pandemisë sa më shpejt të jetë e mundur, e cila ka marrë miliona jetë dhe ka futur botën në kolaps.
Në një intervistë me Chris Cuomo, prezantuesi i CNN, Dr. Katalin Kariko, një ndër shkencëtaret kryesore të vaksinës, tha se nuk ishte e befasuar nga rezultatet e para të provave klinike të vaksinës Pfizer, të cilat treguan një efikasitet prej mbi 90 përqind.
“Unë prisja që ajo të ishte efektive, sepse ne kemi bërë tashmë mjaft eksperimente, kështu që unë isha i bindur se do të funksiononte dhe unë jam shumë i lumtur për këtë”, shpjegoi Kariko.
Ajo e festoi lajmin me një qese plot karamele në formën e kikirikëve të mbuluar me çokollatë.
“Unë nuk jam ndonjë person i veçantë. Kjo ishte bukur”, tha ajo modestisht.
Cuomo gjithashtu theksoi se pothuajse e gjithë vaksina ishte realizuar, ndaj ai kërkoi nga Kariko që të shpjegonte se çfarë po ndodhte me të vërtetë.
“Ishte e vështirë sepse njerëzit nuk besonin se mARN mund të ishte një terapi, kështu që unë zhvillova këtë metodë me një koleg nga Universiteti i Pensilvanisë, ku ne zëvendësuam një përbërës të ARN, i cili e bëri atë më pak imunogjen dhe mund të përdoret për një formë tjetër të trajtimit dhe gjithashtu mundësoi zhvillimin e vaksinës.
U desh pak kohë që njerëzit të provonin zbulimin tonë dhe tani ne jemi shumë të ngazëllyer që ai gjithashtu është bërë një vaksinë për të dy kompanitë (Pfizer dhe Moderna). E dini, ne do të festojmë kur të mbarojë vuajtja njerëzore, kur të ketë mbaruar gjithë kjo kohë e tmerrshme dhe vuajtje,” tha Kariko.
“Shpresoj të harrojmë virusin dhe vaksinën verën e ardhshme, dhe pastaj do të festojmë me të vërtetë”, shton ajo.
E pyetur se sa e sigurt është që vaksina do të jetë efektive, Kariko thotë se është shumë e sigurt për këtë.
“Unë do të vaksinohem vetë të enjten në Universitetin e Pensilvanisë”, tha ajo në fund.
