Hetuesit kanë zbuluar detaje të reja për trupat e pajetë të çiftit shqiptar, Shpëtim dhe Teuta Pasho, të cilët u gjetën 5 vite pasi u shpallën të humbur.
Ishte vajza e çiftit, Dorina që ngriti alarmin për zhdukjen e tyre në një emision televiziv në Rai 3 pas telefonatës me të ëmën ku i thoshte se nuk do i përgjigjej më.
Një tjetër detaj që duket se nuk u ka shpëtuar hetuesve ka të bëjë me djalin e çiftit. Në kohën e zhdukjes së tyre ai u arrestua për vepra të drogës në burgun Sollicciano, pranë të cilit u gjetën trupat e copëtuar të çiftit në tre valixhe. Shpëtimi dhe Teuta Pasho jetonin në Shqipëri dhe shkonin shpesh në Toskanë, ku jetonin fëmijët e tyre.
Më 4 tetor 2015 ata arritën në Itali ku kaluan një muaj. Që nga 2 nëntori 2015, kur vajza mori telefonatën nga një numër anonim në të cilin nëna e saj i tha se nuk donte t’i përgjigjej askujt, u zhdukën të gjitha gjurmët.
Eshtrat njerëzore ishin mbështjellë brenda valixheve me celofan dhe najloni, të lidhura me shirit ngjitës. Kërkimet vazhdojnë për të mësuar detaje të reja për ngjarjen.
