Vrasja e 25 vjeçarit, Klodian Rasha, ka sjellë reagimin e disa mijëra qytetarëve në të gjithë vendin, që prej 5 ditësh po shprehin revoltën e tyre përmes protestave.
Gjatë pesë ditëve ka pasur dhunë, vandalizma dhe veprime që bien ndesh me ligjin, duke i cilësuar tubimet jo paqësore, çka ka shkaktuar jo pak reagime. Të shumë kanë qenë personazhet publikë të cilët kanë dhënë mendimin e tyre lidhur me ngjarjen e jo vetëm.
Mes atyre që kanë reaguar është edhe moderatorja Eva Murati, e cila ka vendosur të shkruajë në rrjetet sociale, lidhur me vrasjen e të riut nga një efektiv policie, dhe për arsyet që u zhvilluan protesta të tilla.
Ajo nuk la pa thumbuar dhe personat që pas këtyre ngjarjeve u ankuan për zbukurimet e pemën e Krishtlindjeve duke i cilësuar si persona që kanë qymyr në vend të zemrës.
