Sponsori i Vllaznisë Alban Xhaferri iu kundërpërgjigj ashpër drejtorit të Partizanit Olsi Rama teksa ky i fundit akuzoi klubin shkodran se ka lejuar një numër të madh tifozësh në stadium, në kohën kur FSHF-ja ka vendosur protokoll strikt për numrin e tyre në stadium.
Në “Rubrikën Sportive” të “RTSH Sport”, Xhaferri u shpreh se nëse do të lejoheshin tifozët në stadium, Vllaznia do ta mposhtte Partizanin “30-0”.
“Mungesa e tifozëve është keqardhja jonë më e madhe. Po të kishim këto rezultate, stadiumi jonë do të ishte i mbushur plot. Jam dakord që Federata dhe Ministria ta mendojnë këtë gjë pasi stadiumi si ai Shkodrës apo ‘Air Albania’ t’i mbajnë tifozët me distanca dhe ne do t’i menaxhojmë sipas situatës. Në Shkodër presioni është i madh. E dëgjova deklaratën e Olsi Ramës që tha se tifozët ndikuan në ndeshje. Po të luhej me tifozë ndeshja ndaj Partizanit, i bie që ne të kishim fituar me rezultatin 30-0.”
