Kryetarja e Bashkisë së Shkodrës Voltana Ademi ka reaguar pqër herë të parë pas lajmit se u procedua pas protestës së djeshme në qytetin verior.
Ademi tha se protesta është e drejtë e çdo qytetari, dhe se Policia me vertëdije të plotë e ka lënë situatën që të përshkallëzohej gjatë ditës së djeshme, duke i provokuar qytetarët.
Ademi thotë se ajo nuk ka penguar asnjë punonjës të Bashkisë që të mos bëjë detyrën e tij, ndryshe nga sa thuhej në njoftimin e Policisë, që dy zjarrfikës kishin vepruar me vonesë për shuarjen e flakëve pranë selisë së PS.
”Shembja e bustit të Enverit që të rinjtë shkodran morën përsipër një risk të madh. Sot pas 30 vitesh situata nuk është e qetë. Jam njohur sot nga mediat, nuk kam pasur njoftim nga policia nën akuzë sot është Policia e Shtetit. Sot më shtohet më shumë dyshimi dhe vëmendja për atë që ishte ngjarja e shëmtuar dje në Shkodër. Protesta paqësore është një e drejtë civile për të gjithë. Populli do reagojë gjithmonë për këto padrejtësi. Protesta bëhen shpesh në Shkodër. Vetëm 1 javë më parë kemi pasur një protestë për vendosjen e kufizimit të orarit.
Unë kam qenë dhe kam lëvizur me qytetarët e Shkodrës nga posta tek 2 prilli. Në ushtri jepen urdhra. Detyra e policisë së shtetit është të mbrojë institucionet dhe qytetarët. Një kërkesë jo vetëm e imja por e të gjithë personave që kanë denoncuar dhunën e ushtruar duhet një reagim legjitim. Unë do ju bëj me dije dhe kamerat e qytetit të Shkodrës. Do jem një dëshmi për akuzën që kam ndaj Policisë së Shtetit. Mos të guxojë askush që ti veshin politikisht protestat. PD nuk ka organizuar apo udhëhequr një protestë. PD kur organizon protesta, ne kemi dhënë shembullin, ne jemi gjithmonë korrekt. As në periudhën më të errët nuk kemi bërë protesta të tjera.
Regjistrimi pranë numrit 129 mund të bëhet publik. Unë jam qytetarja e parë e Shkodrës. Marr pjesë në të gjithë lëvizjet që mendoj se është e drejtë. Unë jam nga ato që kam denoncuar e para. Institucionet janë ato që na mbajnë rregull në qytet. Mosreagimi është i padenjë. Kanë reaguar protestuesit. Dua tju theksoj se ajo që ka ndodhur, ndodhi pas mbarimit të marshimit. Policia bashkiake ka qenë 24 orë në punë për veprime jo të rregullta që nuk kanë lidhje me qytetarinë. Unë mund tju jap të kamerat e regjistrimit”, tha Ademi.
