Një ngjarje e tmerrshme është shënuar në Ohio, Shtetet e Bashkuara të Amerikës, ku një burrë ka vrarë aksidentalisht djalin e tij 28 vjeçar duke menduar se kishte vënë në shënjestër një dre.
Bradley Smith, 63 vjeç, kishte dalë për gjueti me djalin e tij, Andrew Smith dhe me një grup shokësh që vlerësoheshin si gjuetarë me përvojë.
I pikëlluar, babai i të ndjerit u shpreh se djali i tij nuk e kishte veshur jelekun e portokalltë të gjahut në momentin e incidentit dhe iu duk si një dre.
“Është lloji më i rëndë i tragjedisë. Ai mendoi se po qëllonte një dre, por ishte djali i tij”, u shpreh zëdhënësja e policisë lokale.
Gjatë sezonit të gjahut, gjuetarët janë ligjërisht të detyruar të veshin jelek portokalli 30 minuta para lindjes së diellit dhe 30 minuta pas perëndimit të tij.