Pasditen e djeshme në “Ftesë në 5” me Bieta Sulon u diskutua protesta për vrasjen e 25 vjeçarit Klodian Rasha.
Ish- konkurrentja e “Përputhen”, Antoneta Koçi tregoi se ishte e pranishme në protestë, duke u shprehur e kënaqur që kësaj here nuk kishte pjesëmarrje politike. Ajo dhe ish-banori i Big-Brother, Anaid Kaloti, u shprehën të zhgënjyer nga politika shqiptare, duke e konsideruar tërësisht biznes.
Kritikat nuk munguan as për Belind Këllicin, kryetarin e FRPDs-së, me të cilin patën një përplasje për angazhimin e të rinjve në forume politike.
“Këtu të rinjtë angazhohen në parti politike për një vend pune, jo për qëllime të zhvillimit të vendit”, tha ndër të tjera Koçi.
