Ashtu siç është paralajmëruar protesta e sotme do të nisë nga Kryeministria. Qytetarët duket se nuk do të ndalen në lidhje me vrasjen e 25-vjeçarit Klodian Rasha, i cili u qëllua për vdekje me armë nga një punonjës policie. Tubimi është paralajmëruar që të nisë në orën 18:00.
Protestuesit kërkojnë tani largimin e kreut të Policisë së Shtetit, Ardi Veliut pas dorëheqjes së ministrit Sandër Lleshaj.
Në terren ditën e sotme do të ketë më shumë forca policie, krahasuar me një ditë më parë. Konkretisht, për t’ju paraprirë çdo lloj situate, në terren do të jenë 900 punonjës policie.
