Një nënë e dëshpëruar ka kërkuar djalin e saj 13-vjeçar i cili i ishte bashkuar protestës për vrasjen e 25-vjeçarit, Klodian Rasha.
Ajo tha se i kanë thënë që e ka marrë policia sepse ka thyer xhamat e semaforit.
Në një intervistë për “Syri” nëna ka treguar se djali i saj është në shkollë dhe vetëm 13 vjeç.
Ajo është shprehur: “Është 12 vjeç, ka hyrë për 13. Më thanë shko të komisariati se e ke numri 2. Djali im është në shkollë. Në orën pesë ka dalë dhe kur e mora në telefon, i thashë hajde të hamë bukë, dhe më thanë që e ka marrë policia. Pastaj erdha dhe pyeta e më thanë që ka thyer xhamat e semaforit, por s’ma merr mendja që ka thyer gjë ai. S’e di tani”, tha ajo.
