Një prototip i raketës “Starship SN8” ka shpërthyer gjatë përpjekjes për t’u lëshuar në tokë pas lëshimit testues nga qendra për lëshimin e raketave në Boca Chica të Teksasit. Në videon e publikuar, raketa shihet duke u lëshuar me shpejtësi para se të përfshihej plotësisht nga flaka.
Pavarësisht fundit katastrofal të testimit që zgjati gjashtë minuta e gjysmë, shefi i kompanisë “SpaceX”, Elon Musk, ishte i entuziazmuar. “Mars, ja ku po vijmë”, shkroi ai në rrjetet sociale.
Raketa “Starship” ishte një prototip i raketës që po zhvillohet nga kompania e Muskut dhe me këtë mjet synohet dërgimi i njerëzve dhe 100 tonëve mallra në misionet e së ardhmes në Hënë dhe Mars, shkruan The Guardian.
Gjatë fluturimit testues ishte planifikuar që raketa të shkonte në lartësi prej 12 mijë e 500 metrash. Sidoqoftë, kompania nuk tregoi nëse raketa e ka arritur këtë lartësi gjatë testimit.
Elon Musk tha se kompania i ka marrë të gjitha të dhënat që i janë nevojitur gjatë testimit dhe e cilësoi ngritjen e saj në ajër si sukses.
