Paolo Rossi, ish-futbollist, kampion bote me Italinë në 1982, vdiq në moshën 64 vjeçe. Gruaja e tij Federica Cappelletti dha lajmin gjatë natës në profilin e tij në Instagram.
“Përgjithmonë”, ka shkruar Cappelletti, duke postuar një foto të saj me bashkëshortin në rrjetin social.
Në të njëjtat minuta, nëndrejtori i RaiSport, Enrico Varriale, reagoi për humbjen e ‘Pablitos’: “Një lajm shumë i trishtuar, na la “një i paharrueshëm”, i cili na bëri të dashuroheshim në të gjithë atë verë të ’82 dhe që ishte shok i çmuar dhe virtuoz pune në vitet e fundit”.
“Gjashtë muaj më parë humba një vëlla, sot po vajtoj një tjetër. Nuk dua të them asgjë tjetër, nuk është koha që unë të flas”, u shpreh në një lidhje telefonike me ANSA-s, Antonio Cabrini, shoku i skuadrës së Paolo Rossit për shumë vite te Juve dhe në ekipin kombëtar.
Dino Zoff shprehet se me Rosin kishin marrëdhënie të mrekullueshme dhe lajmi për humbjen e tij është i vështirë.
“Paolo Rossi na bëri të ndihemi krenarë që jemi italian, ai ishte heroi i të gjithë neve. Seria A vajton një të pavdekshëm të futbollit tonë, të dashur nga e gjithë bota”, ishte mesazhi i presidentit të Serie A League, Paolo Dal Pino.
Flamuj në gjysmë shtizë në selinë në Romë të FIGC (Ligës italiane) dhe mbi të gjitha në Coverciano, shtëpia e ekipit kombëtar në Firence.
Paolo Rossi do të mbahet mend mbi të gjiha nga italianët për paraqitjet e tij në botërorin e Spanjës në 1982 kur edhe Italia u shpall kampione bote, Rossi golashënuesi më i mirë dhe lojtari më i vlerësuar i turneut.
Epike ishte performanca e tij kundër Brazilit së Zikos e Sokrates me tre gola të shënuar në fitoren 3-2 të Italisë, duke i dhënë kualifikimin në gjysmëfinaleve axurrëve.
Italia kundër Brazilit, Rossi shënon tre gola
