Vajza e ish-zv.kryeministrit, Niko Peleshi, ka reaguar në rrjetet sociale, lidhur me protestat qytetare kundër vrasjes së 25-vjeçarit, Klodian Rasha.
Ndërsa shpreh mbështetje për protestat, Aleksia Peleshi shkruan se atë e mbron mbiemri, por “Klodianin kush e mbronte?”.
Ajo kërkon drejtësi dhe është me protestuesit që nuk kanë asgjë më me vlerë se jetën e një njeriu të pafajshëm që vraponte nga frika, pa e kuptuar se po shkonte drejt vdekjes.
Postimi i Aleksia Peleshit
“Ngjarja tronditese e se martes me la te heshtur per dite me rradhe sepse per nje tragjedi te tille fjalet nuk kane me vlere. Kemi nevoje qe dikush te mbaje pergjegjesi morale edhe nese s’eshte shkaktar direkt i kesaj makabre.
Populli ndjen pasiguri. Ne vend te Klodianit mund te ishte secili prej nesh. Ndoshta jo unë. Mua me mbron mbiemri qe kam. Po Klodianin, kush e mbronte? Po qytetaret e tjerë, kush i mbron?
Klodiani nuk do te kthehet me, por reagimi i shpejte i ministrit duke marre pergjegjesi për ketë ngjarje kaq te rende mund t’i ktheje qytetareve te frustruar e te trembur besimin se kjo është nje ngjarje e veçuar qe nuk përfaqëson gjithe policinë. Besimin se ne kete vend, ka edhe drejtesi. Ka edhe reflektim.
Une sot jam me protestuesit. Jo me ata protestues qe shfrytezojne tragjedi te tilla per te bere lojera politike, jo. Jam me ata protestues per te cilet asgje nuk eshte me e rendesishme se sa jeta e nje njeriu te pafajshem qe vraponte nga frika, pa kuptuar se po vraponte drejt vdekjes”, shkruan vajza Niko Peleshit.
