Në “Murin e Kujtesës” ku janë të shënuar në formë simbolike me yje, efektivët e policisë të rënë në krye të detyrës, është shkruar emri i Klodian Rashës.
Emri i 25-vjeçarit është shkruar nga protestuesit që janë mbledhur pasditen e së mërkurës për të treguar revoltën e tyre pas vrasjes së Rashës nga një efektiv i “Shqiponjave”.
Protestuesit nisën protestën para Ministrisë së Brendshme dhe më pas u zhvendosën te Kryeministria.
Përgjatë Murit të Kujtesës është shkruar emri i të riut me shkronja të mëdha, data e vrasjes si dhe një mbishkrim “RIP”, u prehsh në paqe.
