Pas Kryeministrisë, edhe policët që ruanin godinën e Ministrisë së Brendshme, kanë përdorur gaz lotsjellës kundër qytetarëve që kërkojnë prej pothuajse 4 orësh drejtësi për vrasjen e Klodian Rashës dhe dorëheqjen e Sandër Lleshajt si ministër i Brendshëm.
Protestuesit janë detyruar të shpërndahen përgjatë bulevardit për t´u grumbulluar te sheshi Skënderbej.
Protesta e thirrur nga shoqëria civile përmes rrjeteve sociale bëri bashkë disa qindra banorë të Tiranës, ndërkohë që është protestuar në të njëjtën kohë edhe në disa nga qytett kryesore të vendit.
