Ditën e sotme janë luajtur 5 takime të vlefshme për javën e 6 të Kategorisë së Parë. Burreli ka marrë vendin e pare në Grupin A, pasi ka treguar forcën kundër Korabit duke fituar me rezultatin 3-0.
Matjanët kishin një hero në fushë, sulmuesin Toma që shënoi që në minutën e pestë. Ai realizoi edhe në fundin e pjesës së parë dhe fillimin e të dytës, duke vulosur fatet e kësaj sfide që pritej me interes.
Rikthehet te fitorja edhe Besëlidhja, që kaloi me sukses Erzenin. Arsen Hajdari shënoi golin trepikësh për lezhjanët. Sot ka festuar fitoren e parë edhe Vora, që ia doli të triumfonte me Orikun. Gjinollari realizoi golin e vetëm të kësaj përballjeje.
Lushnja befasohet në shtëpi, pasi u mund nga Pogradeci me rezultatin 0-3. Liqenorët morën fitoren e dytë radhazi, teksa shënuan në fundin e pjesës së parë me Dragoin dhe Licckollarin. Në fund gjeti rrugën e rrjetës edhe Topllari.
Tomori ishte shumë pranë fitores me Turbinën. Beratasit kaluan në avantazh me sulmuesin Mikel Canka, por cërrikasit barazuan në fund me Zaimin.
Renditja, Grupi A
Renditja, Grupi B
