Fazës së grupeve të Ligës së Kampioneve i ka ardhur fundi dhe tashmë janë përcaktuar 16 skuadrat që kualifikohen për në fazën tjetër të kompeticionit.
Më herët në ndeshjet e orës 18:55 u konfirmuan si të kualifikuara Liverpool-i dhe Atalanta teksa këta të fundit mundën në një ndeshje direkte Ajaksin 0-1.
Situata më dramatike ishte në grupin B, aty ku të katër ekipet ndodheshin në lojë për t’u kualifikuar. Në fund kaluan Real Madrid dhe M’Gladbach, Shaktar Donetsk në Europa League dhe Interi në shtëpi.
Kualifikohet edhe Atletico Madrid. Djemtë e Simeones nuk duhet të humbnin duelin në Austri kundër Salzburgut vendas, por ia dolën të fitonin 0-2 falë dy golave të Mario Hermoso dhe Yannick Carrasco. Salzburg në Europa League, ndërsa golat e Sule dhe Choupo-Moting i dhuruan kampionëve të Bayern Munchen suksesin përballë Lokomotiv Moscoë, që kishin siguruar më parë kualifikimin dhe vendin e parë në këtë grup.
Asnjë surprizë në dy ndeshjet e grupit C. Manchester City i vendit të parë, mposhti 3-0 në shtëpi ndaj Marseille (Torres, Aguero dhe Sterling), teksa Porto e vendit të dytë, shënoi dy gola dhe u largua me tre pikë nga përballja në Pire me Olympiacos.
Këto skuadra i bashkohen edhe 8-të skuadrave të tjera të kualifikuara nga mbrëmja e djeshme duke plotësuar tablonë prej 16 skuadrave që do të vazhdojnë aventurën e tyre në fazën me eliminim direkt.
Skuadrat e kualifikuara në fazën e 1/16-ve të Champions: B.Dortmund, Lazio, Juventus, Barcelona, Chelsea, Sevilla, Leipzig, PSG, Liverpool, Atalanta, Bayern Munich, Atletico Madrid, Manchester City, Porto, Real Madrid, Borussia Monchegladbach.
Rezultatet e mbrëmjes:
