Këngëtarja e famshme me origjinë shqiptare, Rita Ora, ka marrë vërejtje nga nëna e saj Vera dhe babai Besniku për shkak se shkeli rregullat anti-Covid, shkruan The Sun.
Rita, e cila plot dy herë i shpërfilli rregullat anti-Covid, u kritikua publikisht për veprimet e saj. Ajo u fotografua dje ku dukej e zymtë, ndërsa ishte jashtë me Besnikun pasi dyshja kaloi ca kohë duke folur për veprimet e saj.
Një mik tha: “Rita e di që i ka lënë fansat e saj masivisht të zhgënjyer dhe ndjen një peshë të madhe përgjegjësie mbi supet e saj. Prindërit e saj kanë qenë të fundit që kanë ndërhyrë dhe kanë folur me të.
Nëna e saj Vera e vizitoi atë të dielën për t’i dhënë asaj një mësim të mirë. Dhe pastaj babai i Ritës, Besniku e nxori për një shëtitje të gjatë për të diskutuar se çfarë kishte ndodhur”, tregoi më tej burimi.
“Rita e di që ka bërë gabime dhe i është thyer nga zemra që u ka shkaktuar kaq shumë dhimbje dhe zhgënjim fansave të saj – le më familjen e saj”, tregon burimi.
“Ajo është tepër e afërt me Verën dhe Besnikun dhe ka marrë këshillat e tyre”, shtoi ai. Këngëtarja që atëherë është rikthyer në muzikën e saj dhe ka qenë në studio duke punuar në këngë të reja.
