Ish deputeti i PD, Ervin Salianji ka gjetur një mënyrë të veçantë për të shënuar Ditën e Rinisë dhe Demokracisë në qytetin e Korçës.
Dhjetëra mbështetës janë mbledhur me makinat e tyre përpara sheshit të stadiumit “Skënderbeu”, për të zbatuar në këtë mënyrë dhe vendimin e Komitetit Teknik të Ekspertëve për situatën e krijuar nga pandemia.
Pjesëmarrësit kanë qëndruar në makinat e tyre të zbukuruara nga flamuj kombëtar dhe ish deputeti Salianji ka mbajtur një fjalë të përgatitur për këtë ngjarje të historike në një podium të sajuar gjithashtu në pjesën e pasme të një makine.
Ja postimi i Salianjit:
Sot në Korcë me dhjetra të rinj brenda kushteve që dikton pandemia!
8 Dhjetori 90 sakrifica e të rinjve ishte sublime,ata rrezikonin gjithçka kishin jetën, familjen, por zgjodhen te luftojnë për të ardhmen! Për Shqipërinë si Europa!
Sot me shtetin monopartiak, shtetin e krimit dhe bandave përpjekja dhe fuqia për t’i përmbysur në përballje, janë e vetmja zgjidhje.
E ardhmja është në duart tuaja, së bashku do sfidojmë e të shpëtojmë demokracinë!
As vendi, Shqipëria dhe as liria e mundësisë nuk janë të trashëgueshme, ato ruhen e mbrohen çdo ditë, çdo etapë.
Për Shqiperine 🇦🇱 si gjithe Europa!
