Mjekja pediatre Gjeorgjina Kuli tha mbrëmjen e sotme në Opinion se në shkolla nuk ka pasur vatra të infektimit me Covid-19.
Kuli tha se edhe fëmijët e infektuar janë vatra familjare dhe nuk ka raste që ato të jenë infektuar në shkolla.
“Edhe rastet e evidentuara për fëmijët janë vatra familjare, pra jo transmetim në shkolla. U vendos që mësimi në shkolla të bëhej me mënyrë alternative pasi është një kompleksitet, nuk kemi vetëm fëmijë, por edhe mësues dhe stafet e tjera”, tha Kuli.
Lidhur me vaksinat, Kuli tha se ato janë disa lloje dhe asnjë nuk mund të thotë me siguri se është 100 % e sigurtë përsa i takon efekteve anësore.
“Është mirë që efektet anësore të jenë sa më të pakta. Nga studimet e bëra deri më tani nuk janë evidentuar efekte afatgjata”, tha Kuli.
