Autoritetet shëndetësore në Kosovë kanë regjistruar të hënën 519 raste të reja me koronavirus, nga 1 407 testime.
Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar 14 viktima.
Sipas të dhënave të këtij Instituti, të hënën janë regjistruar edhe 926 raste që kanë mposhtur virusin, ndërsa raste aktive aktualisht janë 12,774.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 43,324 të prekur nga Covid-19.
Prej tyre 1,120 pacientë kanë vdekur.
