Pak ditë pasi moderatorja Fiori Dardha përmes një statusi në Instagram deklaroi se kishte rezultuar pozitive ndaj Covid-19, këngëtarja Rozana Radi, njëkohësisht kolege e Dardhës ka rezultuar gjithashtu pozitive.
Lajmin e ka bërë të ditur vetë këngëtarja në një postim në Instagram, ku krahas fotos së testit ka theksuar se disa ditë më parë kishte bërë tamponin ku kishte dalë negative dhe një tjetër tampon i përsëritur ka rezultuar pozitiv.
Ajo ka shkruar se është karantinuar dhe është në gjendje të mirë shëndetësore.
“Pas nje rezultati negativ ripërsërita tamponin dhe, pozitiv. Jam karantinuar dhe po marr mjekimin e nevojshëm duke u konsultuar me mjekun e familjes. Për momentin jam në gjendje të qëndrueshme, shpresojmë të shkojë gjithçka mirë”, ka shkruar këngëtarja.
