Partizani i ndeshjeve të fundit ka qenë skuadra më e kompletuar në Kategorinë Superiore, duke shënuar gola por ajo që bie më shumë në veçanti është mbrojtja e të kuqve.
Skuadra e Ilir Dajës prej 6 ndeshjesh radhazi, 5 prej të cilave në kampionat nuk ka pësuar gol.
Në derbi nuk pati shkëlqim sulmues, por siguria në mbrojtje bëri që derbi të mos humbej pasi mundësitë e lëna për Tiranën ishin pothuajse zero.
Dhe në sezonin që Partizani mori titullin, u vu re pas humbjes në javën e parë në Korçë, e njëjta tendencë me të kuqtë që pësonin pak apo aspak, sepse dhe te Partizani e kanë kuptuar, se sidomos në një kampionat si Kategoria Superiore ku diferencat janë minimale, do të jenë mbrojtësit ata që në fund do t’i sjellin fitimin e kampionatit, sigurisht shoqëruar me një sulm funksional përpara.
