Do të luhen ditën e sotme 7 ndeshje në Kategorinë e Dytë, duke filluar nga ora 13:30, të vlefshme për javën e pestë.
Në grupin A, ndeshja Klosi-Shkumbini, nuk do të luhet pasi ekipi vendas nuk merr përsipër organizimin dhe pritet fitore në tavolinë për skuadrën peqinase. Spikat përballja Sopoti-Iliria, me dy skuadrat që po kalojnë formë të mirë dhe do të kërkojnë të marrin fitoren në ndeshjen e sotme. Interesante është edhe përballja Bulqiza-Shënkolli, me këta të fundit që kryesojnë renditjen me 9 pikë.
Në grupin B, Maliqi pret në shtëpi Gramozin, në një ndeshje ku vendasit futen vetëm për fitore. Ndërkohë që Albpetroli që e ka nisur me shumë vështirësi kampionatin, sfidon në transfertë Këlcyrën./Panoramasport
