Vera Ora u fotografua e zemëruar jashtë shtëpisë së Ritës në Londrën Perëndimore, duke i bërë vëzhguesit të dyshonin se ajo i kishte dhënë Ritës një vërejtje të ashpër për ditëlindjen ilegale që ajo organizoi në 30-vjetorin e saj të lindjes.
Rita shkeli kufizimet për të organizuar një mbrëmje luksoze një javë më parë në restorantin ‘Casa Cruz’ në lagjen Notting Hill, në Londër, shkruan “The Sun”. Miqtë e saj që përfshinin rreth 30 të ftuar, duke përfshirë modelet Cara dhe Poppy Delevingne, u zbuluan nga “The Sun”, duke e shtyrë Ritën të kërkonte falje.
Një person që pa Verën të largohej tha: “Ajo dukej shumë e thellë në mendime dhe pak e zemëruar. Kishte një shprehje shumë të ashpër në fytyrë, sikur të kishin shkëmbyer disa fjalë serioze”.
Fansat akuzuan Ritën për “sjellje të turpshme” në rrjetet sociale. Ajo tha se i vinte shumë keq dhe ofroi të paguante një gjobë prej 10,000 paund si dënim për atë që kishte bërë.
