Gjykata e Lezhës ka vendosur burg pa afat për Gjergj Gjinin 69 vjeç, që plagosi komshiun e tij Hil Gjini në sy të fëmijëve dhe gruas, ngjarje e ndodhur mëngjesin e së Martës, në Balldre të Lezhës.
Ky i fundit ishte duke lëvizur me makinë kur u ndalua nga autori dhe u qëllua me armë zjarrin ë këmbë. Sipas policisë, autori dhe i lënduari kanë pasur konflikte pronësie. Autori u arrestua disa orë pas plagosjes.
Në seancën e zhvilluar me dyer të mbyllura, 69-vjeçari mësohet të ketë thënë se ka pasur konflikte të vazhdueshme me Hil Gjinin, por i kishte zënë pritë për ta trembur, pa pasur qëllim që të qëllonte me armë ndaj tij. Ndërsa avokati i 69-vjeçarit kërkoi një mase më të butë ndaj klientit të tij me pretendimin se ka probleme shëndetësore me zemrën. Në fund, gjykata vendosi ta lërë në qeli autorin.
