Milani i Piolit siguroi kualifikimin në fazën e 1/16-ave të Europa League-s pasi mundi Celtic-un. Strategu i kuqezinjve u rikthye në mënyrën më të mirë në drejtim të skuadrës pasi qëndroi disa ditë larg për shkak të koronavirusit. Ai komentoi edhe rikthimin e mundshëm të Ibrahimovic.
“Celtic kishte pak për të përmirësuar nga pikëpamja e klasifikimit, por kundërshtarët tanë kërkonin të merrnin një rezultat të rëndësishëm. Në Europë, ne luajmë me intensitet të lartë. Na pëlqejnë këto ndeshje dhe jemi shumë të kënaqur me reagimin që ka pasur ekipi.
Ne kemi kënaqësinë të luajmë së bashku për të dhënë më të mirën tonë. Duhet të jemi ambiciozë. Djemtë donin të më testonin nëse do të isha shëruar mendërisht. Ne jemi shumë të mirë në gjetjen e shtysës për t’u përpjekur që të rritemi dhe kjo është një nga ato ndeshje. Ishte një mësim i vlefshëm për ne. Nuk është ve lehtë të rikuperosh dy gola.
Ibrahimovic është një lojtar i rëndësishëm edhe kur nuk luan, kjo është e qartë. Nuk mendoj se mund të kthehet këtë të diel. Kur ke probleme me muskujt, duhet të jesh i kujdesshëm. Më mirë të kthehesh një ndeshje me vonesë sesa të humbësh shumë të tjera.
Në garë për titullin? Interi, Juventusi dhe Napoli janë ende më të fortë se ne. Këto skuadra e nisën sezonin me objektiva më të rëndësishëm. Por ekipi ynë ka treguar se nuk është inferior ndaj askujt, ne kemi vlerat tona, vazhdojmë të mendojmë se kjo skuadër ende mund të rritet”, deklaroi Pioli.
