Kreu i PD, Lulzim Basha, në një bashkëbisedim me të rinjtë në Kukës, tha se vendimi për të kaluar në mësim online duhet të ishte shpallur me kohë.
Studentët thanë se janë njoftuar për kalimin e mësimit online në ditët e fundit pasi kishin bërë pagesat e shkollës.
Basha tha se kalimi i beftë në mësim online është tregues i mungesës së planit për menaxhimin e pandemisë nga qeveria.
Kreu i PD iu premtoi studentëve se do të sigurojë 10 mijë praktika pune 1 vjeçare me pagesë mujore 300 mijë lekë nga shteti.
“Pa ringritur ekonominë, pa investime të huaja nuk mund ta mbajmë rininë në Shqipëri. Nesër kryeministri nuk do të justifikohet, por do të përgjigjet me veprime konkrete.”-tha Basha.
