Ish-ministri, deputeti dhe kryebashkiaku i Elbasanit, Ëngjëll Dakli ka ndërruar jetë në moshën 66-vjeçare. Ai ndodhej në Turqi ku po kurohej për Covidin, por gjendja e tij është përkeqësuar dhe nuk ia ka dalë që ti mbijetojë sëmundjes.
Dakli u lind më 15 mars 1955 në Elbasan. Në vitet 1973 – 1978 ndoqi Fakultetin e Inxhinierisë Mekanike në Universitetin e Tiranës. Më pas, punoi si inxhinier dhe lektoi në auditore.
Në vitet 1992 – 1997, ishte deputet i PD në parlament. Nga 1993 (janar) – 1995 (dhjetor) , kryetar i delegacionit kuvendor shqiptar në asamblenë parlamentare të Detit të Zi. Në vitet 1994 – 1996 shërbeu si ministër i Punës dhe Përkrahjes Sociale dhe Ish-të Përndjekurve Politikë.
Postim e kryetarit të Bashkisë Elbasan e mbajti në vitet 1996 – 2000. Ndërsa në vitet 2000 – 2007, ishte anëtar i Këshillit Bashkiak të Elbasanit, përfaqësues i PD.
