Me 83 vota kundër dhe vetëm 9 pro, Kuvendi rrëzoi sot dekretin e Presidenti Meta për kthimin e ligjit për Policinë e Shtetit.
Deputetët kanë miratuar gjithashtu përbërje e Komisionit të Posaçëm Parlamentar për raportin e Dick Marty me 85 vota pro dhe 12 kundër.
Shumica do të përfaqësohet në Komision me deputetët Ulsi Manja, Alket Hyseni, Klotilda Bushka, Adnor Shameti dhe Ermonela Felaj.
Ndërsa nga opozita do të marrin pjesë në Komision Myslim Murrizi, Edmond Stojku, Enver Roshi dhe deputetja e pavarur Elena Xhina.
Kuvendi miratoi gjithashtu marrëveshjenme BERZH për infrastrukturën me 91 vota pro ndërsa marrëveshja po me Bankën Evropiane për Rindërtim dhe Zhvillim për 15 milionë euro hua për përballjen me COVID është miratuar me 94 vota pro dhe 4 kundër.
Marrëveshja e fundit, ajo me Emiratet e Bashkuara Arabe për ndërtimin e 2 mijë banesa në Durrës është miratuar nga deputetët me 92 vota pro dhe 6 kundër.
