Milan fitoi me përmbysje 4-2 ndaj Celtic duke arritur të kalojë grupin në Europa League. Kuqezinjtë e nisën shumë keq ndeshjen, duke pësuar dy gola në 15 minutat e para por më pas dominuan takimin.
Ishte Hakan Çalhanoglu ai që zgjoi ekipin me një gol nga goditja e dënimit, ndërsa Castillejo barazoi rezultatin në pjesën e parë.
Në të dytën, Milan shënoi dy gola me anë të Hauge dhe Brahim Diaz, duke vulosur kualifikimin në Grupin H.
Ky grup kryesohet nga Lille me 11 pikë, që sot mposhti Spartën e Pragës, ndërsa Milani ndjek me 10 pikë.
