Autoritetet në qytetin e Yuhuan, provinca Zhejiang e Kinës, thanë të enjten se një mostër e mishit të derrit të importuar në tregun kinez kishte rezultuar pozitive për koronavirusin e ri.
Mostra u mor nga një mishi i derrit të ngrirë, i importuar nga Brazili. Mishi hyri në Kinë përmes Portit Yangshan në Shangai , më 28 shtator, sipas sistemit të gjurmimit nga autoritetet.
Mostra, e marrë nga një tezgë e mishit të derrit që doli për shitje në një treg në Yuhuan, rezultoi pozitiv për COVID-19.
Pas alarmit që dha Qendra lokale e kontrollit dhe parandalimit të sëmundjeve në Yuhuan, autoritetet vepruan menjëherë për kontrollin dhe izolimin e rastit.
Autoritetet lokale kanë vulosur mishin, dezinfektuar tregun dhe zonat përreth dhe kanë futur në karantinë 55 personat që kishin kontakt të drejtpërdrejtë me mishin e derrit.
Fatmirësisht rezultatet e provës së acidit nukleik të të gjitha kontakteve të ngushta ishin negative. Tridhjetë mostra ushqimore dhe mjedisore të marra nga tregu gjithashtu rezultuan negativë.
Kina ka rritur përpjekjet e saj për të bllokuar COVID-19 përmes ushqimit të importuar. Ministria e Transportit lëshoi një udhëzim në mes të nëntorit për të parandaluar transmetimin e COVID-19 përmes ushqimeve, sidoemos mishit, importuar përmes rrugës dhe ujit.
