Si bëhen tenderët e COVID-it! Pa garë, për firmat e “preferuara” që marrin çdo qindarkë nga ISHP

Nga BoldNews.al

Pandemia COVID 19 është kthyer në një minierë ari për dhjetëra depo farmaceutike, biznesi i të cilave është ndër të vetmit që po lulëzon në këtë recencion global. Me të drejtë qeveria i ka kthyer sytë nga shëndetësia, duke akorduar qindra miliona euro për blerjen e aparaturave dhe medikamenteve për të luftuar pandeminë. Po si bëhen tenderat e COVID-it nga institucionet shqiptare?! Normalisht, ashtu si në çdo sektor tjetër, ku “oligarkët” dhe firmat “e preferuara” të zyrtarëve po marrin çdo qindarkë nga ISHP dhe Ministria e Shëndetësisë. Bold News ka siguruar dokumentet e një tenderi të majmë që ka realizuar Instituti i Shëndetit Publik.

Objekti i këtij tenderi ka qenë blerje kite dhe materiale konsumi për ekstraktorin automatik për testimet e Covid-19. Vlera ka qenë tejet e lartë, plot 163.020.375 lekë pa TVSH (Me TVSH rreth 1.5 milionë euro).

Në tender, siç duhet edhe në dokumentin e mësipërm, ka marrë pjesë vetëm një firmë “BIOMETRIC ALBANIA”. Normalisht, firma është shpallur fituese, me mbi 90 % të fondit limit. Në fakt, kjo firmë ka ofruar 155. 875.500 lekë, pra vetëm 7.144.875 më pak sesa fondi limit. Drejtoresha e ISHP, Albana Fico, ka lidhur dhe kontratën.

Duke u ndalur te tenderi, ISHP ka kërkuar kit për amplifikimin e ARN-së. “Kiti duhet të jete i destinuar për aplikime të biologjisë molekulare. Të bazohet në teknologjinë me grimca magnetike për izolimin dhe purifikimin automatik simultan të acideve…” thuhet në këto dokumente, të cilat vijojnë me të tjera detaje teknike. Mësohet se afati i skadencës duhet të jetë jo më pak se 10 muaj nga data e lëvrimit të mallit në ISHP, ndërsa skadenca duhet të jetë e shënuar në ambalazh.

LEXO EDHE  PS-së i bashkohet një prej deputetëve të emëruar si opozitarë/ Emri

(Lexo edhe: U “denoncuan” për lidhje me Manastirliun, “Distrimed”-“Biometric”, 35 mln USD në 4 vjet)

Megjithatë, duke u ndalur te fituesi “Biometric Albania”, Bold News ka publikuar edhe më herët se firma të veçanta po marrin tenderat e Ministrisë së Shëndetësisë. Një ndër to është edhe firma që ka marrë rreth 1.5 milionë euro pa garë. Nga vëzhgimi i atëhershëm, rezultoi se kompania “Biometric Albania”, në harkun kohor 2015-2019 është shpallur fituese në procedura të prokurimit publik, me vlerë totale rreth 18 milionë dollarë. Gjithashtu, edhe “Biometric Albania” ka përfituar fonde publike në tenderat e zhvilluar nga QSUT, si qendra më e madhe shëndetësore në vend. Të dhënat e “spendingdata.al” referojnë se, për periudhën 2015-2019, “Biometric..” është shpallur fitues në tenderat e QSUT, për një vlerë prej rreth 10 milionë dollarë. Në atë kohë, “Bold News” i kërkoi informacion kësaj kompanie, e cila refuzoi të jepte shpjegime.