Ylli i muzikës pop, Madonna, festoi “Ditën e Falënderimeve” bashkë me fëmijët e saj dhe me të dashurin, Ahlamalik Williams, gjatë fundjavës
Këngëtarja e “Ray of Light” ndau një video të rrallë në Instagram me të gjashtë fëmijët e saj. Më pas, 62-vjeçarja, postoi një foto ku shfaqej e ulur në prehrin e balerinit dhe koreografit 26-vjeçar, teksa fytyrën e kishte mbuluar me një vello të zezë.
Dyshja nisi të takohej gjatë verës së vitit 2019 dhe romanca e tyre po vazhdon ende. Ata publikuan për herë të parë foto dhe video me njëri-tjetrit gjatë festës së 62-vjetorit të lindjes së këngëtares.
Ahlamalik është vetëm dy vite më i madh se fëmija i parë i Madonna-s, Lourdes.
“Dashuria nuk ka moshë,”- tha Williams për “TMZ”.
Kujtojmë që Madonna ka dalë me disa burra më të vegjël se ajo në moshë që kur u divorcua nga babai i djalit të saj që tani është 19 vjeç, Rocco Guy Ritchie, në vitin 2008.
