Nëse ndonjëherë e keni pyetur veten se kur lindi ideja e të paturit jastëk dhe se kur datojnë këta të fundit, përgjigjen do ta gjeni në Mesapotaminë Antike.
Asokohe, jastëkët ishin prej guri dhe vetëm njerëzit e pasur mund të kishin të tillë.
Në ndryshim nga jastëkët e lashtë prej guri, ata që ne sot përdorim janë tepër të butë, ndonëse ekspertët shprehen se të fjeturit me jastëk mund të mos ndikojë fort për mirë në trupin tuaj dhe gjendjen shpirtërore.
Çfarë do të ndodhë me trupin tuaj nëse flini pa jastëk?
Mund të jetë mirë për flokët tuaj. Gjatë natës, fërkimi i flokëve me jastëkun sjell ngatërrimin e tyre. Kështu për hir të dukjes suaj, mund t’ju duhet të ndërroni stil jetese.
Parandalon aknet në fytyrë. Lëkura juaj do t’ju falënderojë për heqjen e jastëkut, i cili mbledh papastërti.
Lufton dhimbjet e kokës. Nëse po zgjoheni me një dhimbje koke mund të jetë faji i jastëkut. Jastëkët që janë shumë të lartë bëjnë që të ushtrohet më shumë tension në muskujt e qafës. Kjo mund t’ju japë një dhimbje koke në mëngjes, pasi të jeni ngritur nga shtrati.
Ju ndihmon t’ia dilni me dhimbjen e qafës. Përkulja e qafës në çfarëdo mënyre për një kohë të gjatë do t’ju sjellë ndjesi të pakëndshme dhe jastëkët shumë të fortë ose shumë të butë mund të çojnë në dhimbje të qafës.
Parandalim i dhimbjes së shpinës. Shumë jastëkë mund të çojnë në një pozicion të panatyrshëm të gjumit, ndërkohë që kur flini pa jastëk, shtylla kurrizore relaksohet dhe trupi juaj është në pozicionin e tij natyror.
