Nis procesi gjyqësor për Abaz Dogun, Klajdi Pocin dhe dy të miturit, të akuzuar për përdhunimin e 15 vjeçares në Babrru.
Gjykata e Tiranës ka pranuar kërkesën gjykim të shkurtuar për 4 të pandehurit.
Ndërkohë në seancën e radhës pritet që të jepen konkluzionet e prokurorisë.
Katër të pandehurit akuzohen se kanë kryer marrëdhënie seksuale me dhunë me një 15-vjeçare në Babrru.
Abaz Dogu, 65 vjeçari i cili ishte roja i shkollës 9-vjeçare, kishte regjistruar video intime me të miturën dhe ua kishte shpërndarë dhe tre të pandehurve të tjerë.
Ata, në bashkëpunim me njëri-tjetrin, nën kërcënimin e publikimit të videos, kanë kryer marrëdhënie seksuale me dhunë me të miturën.
