Kryeministri Edi Rama mëngjesin e sotëm e ka nisur me lajmin se procedurat ligjore për naftë pa taksa për fermerët ka nisur.
Përmes një video të postuar në rrjetet sociale, Rama shkruan se ka filluar procedura ligjore për naftë pa taksa për të gjithë fermerët e pajisur me NIPT ka nisur me garën e shpallur nga Ministria e Bujqësisë.
“MIRËMËNGJES
dhe me lajmin që procedura ligjore për NAFTË PA TAKSA për të gjithë fermerët e pajisur me NIPT ka nisur me garën e shpallur nga Ministria e Bujqësisë, si edhe me nxitjen për të gjithë fermerët e papajisur me NIPT, që të nxitojnë ta marrin, ju uroj një muaj të mbarë”, shkruan Rama.
Vendimi duket se ka lidhje me zgjedhjet parlamentare të 25 prillit, ndërsa prej vitesh Kryeministri ka shpërfillur apelet e opozitës, por edhe grupeve të interesit, për të hequr taksën e naftës për fermerët. Deri më sot ata kanë paguar çmimin e naftës të njëjtë me atë që paguante çdokush që kishte një automjet.
