Ditën e premte ora 18:00, luhet derbi i shumëpritur mes Tiranës dhe Partizanit. Teksa kjo ndeshje e madhe e futbollit shqiptar po afron, ish-mbrojtësi i bardhebluve, Albi Doka, ka dhënë mendimet e tij duke treguar edhe favoritin e ndeshjes.
Duke folur për Neësport.al, 24 vjeçari nuk ka dyshime se cili do të triumfojë në këtë sfidë, teksa sipas tij ndeshjen e vendos Batha ose Hoxhallari.
“Kjo është një ndeshje që s’ka nevojë për motivim. Të gjithë lojtarët e kuptojnë rëndësinë e kësaj sfide dhe në fund Tirana do të dalë fitimtare.”
“Edhe me formën aktuale të skuadrave sërish favorite për mendimin tim është “Tirona Modhe”. Ndeshjen do ta vendosë Batha ose Hoxhallari. Mendoj se njëri nga të dy do të jetë deçiziv.”
Albi Doka u largua nga kampionët e vendit gjatë merkatos së verës drejt HNK Gorica, ndërsa e she kampionatin kroat si trampolinë për një kampionat më të fortë.
“Jam titullar te Gorica dhe më mjafton të ruaj këtë formë në këto nivele. Nëse vazhdoj kështu shpresoj për më shumë. Dua të shkoj më lart në karrierë dhe pse jo shumë shpejt një transfertë tjetër.“
